Սկսի՛ր պրոֆեսիոնալ Full Stack .NET ծրագրավորողի քո կարիերան

Դասընթացի սկիզբ
2 հոկտեմբերի, 2017
Դիմումների վերջնաժամկետը
28 սեպտեմբերի, 2017
Ծրագրի տևողություն
5 ամիս
Տեղեկատվական հանդիպում
Հինգշաբթի, սեպտեմբերի 14, 15:30

Մայքրոսոֆթ ինովացիոն կենտրոն Հայաստանը սկսում է նոր ձևաչափի, դասընթացներով և պրակտիկ աշխատանքով հագեցած ինտենսիվ ծրագրավորման ճամբար, որի ընթացքում մասնակիցները սովորելու են ծրագրավորման՝ ամենամեծ կարևորություն և պահանջարկ ունեցող տեխնոլոգիաներն ու հմտությունները։ Ծրագրավորման ճամբարի արդյունքում մասնակիցները կունենան Full Stack .Net կրտսեր ծրագրավորողի համար ավելի քան բավարար գիտելիքներ՝ աշխատաշուկայում մրցունակ լինելու և կրտսեր ծրագրավորողի թափուր հաստիքներին հավակնելու համար։ Ճամբարի ծրագիրն առանձնահատուկ է․ մշակված է աշխարհի լավագույն կրթական ծրագրերի հիման վրա և իրականացվելու է՝ որպես հիմք ընդունելով նախորդ պրակտիկայի ծրագրերի փորձը, որոնց արդյունքում ավելի քան 550 մասնակից աշխատանքի են անցել Praemium, Volo, Betconstruct, Sourcio, Digitain, Topsoft, Factumsoft, Optym, Intel-Soll, Questrade և այլ առաջատար հայկական ՏՏ ընկերություններում։


Ի՞նչ է ծրագրավորման ճամբարը 

Սովորի՛ր և զարգացրո՛ւ ծրագրավորման այն հմտությունները, որոնք քեզ պետք են աշխատանքի անցնելու համար։

  • Կսովորես ծրագրավորման ոլորտի ամենապահանջված լեզուները և տեխնոլոգիաները՝ C# և .NET Framework-ից մինչև ASP.Net Core, ներառյալ SQL, Entity Framework և այլ տեխնոլոգիաներ, որոնք անհրաժեշտ են յուրաքանչյուր full stack ծրագրավորողի համար։
  • Թիմային աշխատանքի շրջանակում կկառուցե՛ս իրական վեբ հավելվածներ, տվյալների հենքով հավելվածներ, օգտագործելով այնպիսի գործիքներ ինչպիսիք են Visual Studio-ն և Team Foundation Services-ները,
  • Ճամբարից հետո կանցնե՛ս աշխատանքի որպես կրտսեր վեբ ծրագրավորող գործընկեր կազմակերպություններում։

Ծրագրին ավելի մանրամասն ծանոթանալու համար այցելեք տեղեկատվական հանդիպմանը։ Այն տեղի կունենա սեպտեմբերի 14-ին (հինգշաբթի), ժամը 15։30-ին, ՄԻԿ-ի գրասենյակում։


Ո՞վ կարող է լինել ճամբարի մասնակից

Չնայած ծրագրավորման ճամբարը լինելու է վճարովի հիմունքներով, սակայն մասնակցելու են նրանք, ովքեր

  1. 16-28 տարեկան են,
  2. Ունեն տրամաբանող մտածելակերպ և լավ մաթեմատիկական գիտելիքներ։ Ծրագրավորման ցանկացած լեզվի տարրական իմացությունը ցանկալի է,
  3. Ծրագրավորումը դիտարկում են ոչ միայն ֆինանսական կայունության երաշխիք, այլ նաև ստեղծագործելու հնարավորություն,
  4. Սիրում են սովորել ու չբողոքել 😊,
  5. Պատրաստ են 6 ամիս ապրել մեր գրասենյակում,
  6. Մեկ շաբաթից չեն հիասթափվելու ու սպասելու ճամբարի ավարտվելուն,
  7. «Երկիրը երկիր չի», «Դասախոսը դասախոս չի» և նման արտահայտությունները նրանց համար տարօրինակ են։

Ինչպե՞ս է անցնելու քո կյանքը ճամբարում

Ծրագրավորման ճամբարը կսկսի երկշաբաթյա փորձաշրջանով, որի ընթացքում Դուք կծանոթանաք C# ծրագրավորման լեզվի հիմունքներին։ Այս փուլն անվճար է բոլոր գրանցված մասնակիցների համար, որից հետո թեստի և հարցազրույցի միջոցով կընտրվեն ծրագրի մասնակիցները։ Ընտրված մասնակիցները կներառվեն ճամբարում, որը կտևի ընդհանուր 5 ամիս և բաղկացած կլինի ինչպես ինտենսիվ դասերից, պրեզենտացիաներից, այնպես էլ մենթորի հետ քննարկումներից, նախագծերի մշակումից։ Օրական կտրվածքով առնվազն 2-4 ժամ անցկացնելու ես մեր գրասենյակում։


Ի՞նչ ես սովորելու

Սովորելու ես այն ամենը, ինչ քեզ պետք է աշխատանքի անցնելու համար՝ ծրագրավորման հիմունքներից մինչև վեբկայքերի և հավելվածների մշակում, փոքր ծրագրերի նախագծում ու իրականացում։ Ամենակարևորը սովորելու ես մտածել որպես ծրագրավորող, խնդիրներ լուծել և գտնել խնդրի հնարավոր լուծման ուղիներ։ Ու այս ամենը թիմի կազմում, մենթորի աջակցությամբ վերահսկողությամբ։

Ճամբարի ծրագիրը ներկայացված է այստեղ։ Ճամբարի ուսումնական ծրագրին ծանոթանալու համար եկեք տեղեկատվական հանդիպմանը։ Այն տեղի կունենա սեպտեմբերի 14-ին (հինգշաբթի օրը), ժամը 15։30 -ին, ՄԻԿ-ի գրասենյակում։


Ինչպիսի՞ նախագծեր ենք մշակելու

Դասընթացի յուրաքանչյուր փուլին զուգահեռ անցած նյութը գործնական կիրառում կունենա իրականացվող նախագծերի վրա։ Ճամբարի ընթացքում մասնակիցները կսովորեն թե ինչպես կազմակերպել թիմային աշխատանքը և կիրառել Agile մշակման սկզբունքները և այլն։

Նախագծերը կունենան տարբեր առաջադրանքներ։ Ճամբարի ընթացքում ստեղծված նախագծերը կկազմեն քո պորտֆոլիոյի մի մասը, որը և կներկայացնես քո ապագա գործատուներին։


Ծանոթացի'ր ճամբարի տեխնիկական ղեկավարին, քո մենթորին

Ծրագիրը վարելու է Լևոն Հովհաննիսյանը, ով ճարտարագիտության գծող գիտությունների թեկնածու է, Մայքրոսոֆթ ընկերության  ծրագրավորող և ունի 12 տարվա աշխատանքային փորձ որպես ծրագրավորող և ճարտարագետ։ 


Ի՞նչ ենք մենք երաշխավորում կամ ինչո՞ւ մասնակցել

  • Ոլորտային արժեքավոր գիտելիքներ,
  • Պրակտիկ հմտություններ,
  • Հիանալի տրամադրող միջավայր,
  • Ոլորտային բարձրակարգ մասնագետների հետ շփում, կապեր հայկական ՏՏ ընկերությունների հետ։
  • Դեմո օր հայկական առաջատար ընկերությունների մասնակցությամբ։
  • Հարցազրույցի հնարավորություն հայաստանյան առաջատար 3 ընկերություններում ճամբարի ավարտից 3 ամսվա ընթացքում։ 

Ինչպե՞ս ընդգրկվել ճամբարում

Մասնակցությունը ճամբարի առաջին փուլին, որի տևողությունը 2 շաբաթ է, անվճար է գրանցված մասնակիցների համար։ Հաջորդ փուլին մասնակցելու համար կանցկացվի թեստ և հարցազրույց։ Ճամբարի մասնակցությունը խիստ մրցակցային է, և ընդգրկվելու են այն 12-15 մասնակիցները, որոնք ընտրվելու են թեստի և հարցազրույցի միջոցով։ Եթե վստահ ես, որ ուզում ես փորձել ուժերդ, լրացնում ես դիմում-հայտը մինչև սեպետեմբերի 28-ը։

Եթե ունես հարցեր,

1․ Գալիս ես մեր գրասենյակ՝ նախապես պայմանավորվելով և հղում  բոլոր հարցերը։

2․ Գալիս ես տեղեկատվական հանդիպմանը, որը տեղի կունենա  սեպտեմբերի 14-ին (հինգշբաթի), ժամը 15։30 -ին, ՄԻԿ-ի գրասենյակում։


Ինչքա՞ն արժե այս հաճույքը 

Ուսման վարձը կազմում է 330,000 ՀՀ դրամ։

Ծրագիրը սկսվելու է հոկտեմբերի 2-ից և ավարտվելու է փետրվար ամսին։

Դիմում-հայտ

Գրանցման թերթիկ