Կիբեռ հիգիենա դպրոցականների համար
- Դասընթացի օրեր
-
- Երկուշաբթի ,
- Հինգշաբթի
- Դասընթացի տևողություն
- 2 դաս x 3 ժամ
- Դասընթացի ժամեր
- 16:00 - 19:00
- Դասընթացի սկիզբ
- Երկուշաբթի, հունիսի 02
- Վճար
- 13,900 ՀՀ դրամ
- Տեղեկատվական հանդիպում
- Երեքշաբթի, մայիսի 27, 19:00
- Պահանջվող գիտելիքներ
- Համակարգչային գրագիտություն
Այսօրվա արագ զարգացող թվային միջավայրում չափազանց կարևոր է, որ երեխաները կարողանան անվտանգ և պատասխանատու կերպով օգտվել առցանց ռեսուրսներից։ Ահա թե ինչու մենք` ՁԻՀ-ի ՍայՀաբ Հայաստան (CyHub Armenia- EIF Cybersecurity Initiative) կիբեռանվտանգության նախաձեռնության հետ համատեղ, մշակեցինք «Կիբեռ հիգիենա դպրոցականների համար» համապարփակ ու կարճաժամկետ դասընթացը, որը նախատեսված է 10-18 տարեկաններին` կիբեռանվտանգության հիմնական գիտելիքներ և գործնական հմտություններ փոխանցելու համար։
Ի՞նչ կսովորեն նրանք
Դասընթացը բաղկացած է երկու մասից՝
1. Թվային աշխարհի մասին գիտելիքներ
- Ինչպես են աշխատում համացանցը, համակարգիչներն ու համակարգչային ցանցերը
- Տեխնոլոգիաների պատմության համառոտ ներկայացում
- Ինչու և ինչպես են տեղի ունենում կիբեռհարձակումները, ինչ հետևանքներ կարող են ունենալ մարդկանց ու կազմակերպությունների համար։
Այս հիմնարար գիտելիքները հստակ պատկերացում կտան, թե ինչու է կարևոր կիբեռանվտանգությունը
2. Գործնական գիտելիքներ և հմտություններ
- Ինչ վտանգներ կան համացանցում
- Ինչպես պաշտպանել անձնական տվյալները և լինել ապահով
- Ծանոթացում էթիկական հաքինգի և OSINT-ի (բաց աղբյուրների հետախուզության) հետ
- Գործնական վարժություններ՝ ինքնավստահությունն ու զգոնությունը զարգացնելու համար։
Ինչո՞ւ է այս դասընթացը կարևոր դպրոցականների համար
Դպրոցականների դեմ ուղղված թվային սպառնալիքները գնալով ավելի են շատանում ու կատարելագրծվում։ Համացանցին հասանելիությունը սահմանափակելը համակարգային լուծում չէ․ փոխարենը, դպրոցականները պետք է ունենան տարրական գիտելիքներ ու հմտություններ, որոնք կօգնեն նրանց ինքնուրույն պաշտպանվել առցանց վտանգներից։
«Կիբեռ հիգիենա դպրոցականների համար» դասընթացին մասնակցելու արդյունքում, դպրոցականները կկարողանան՝
- Պաշտպանվել կիբեռսպառնալիքներից։
- Հասկանալ առցանց վտանգների մեխանիզմները։
- Զարգացնել թվային դարաշրջանի համար կարևոր քննադատական մտածողության հմտություններ։
- Առցանց միջավայրում անվտանգ և արդյունավետ գործել։
Ինչպե՞ս գրանցվել
Ցանկացողները կարող են մինչ մայիսի 25-ը լրացնել ստորև ներկայացված հայտադիմումը։ Հարցերի դեպքում զանգահարեք (099) 545 343 և (041) 545 343 հեռախոսահամարներով, և մենք ուրախ կլինենք պատասխանել Ձեր հարցերին։ Տեղերի սահմանափակ լինելու պատճառով մասնակիցների ընտրությունը կարվի ըստ գրանցման առաջնահերթության։
Ընտրված մասնակիցները կտեղեկացվեն նախապես։
Մինչ դասընթացի մեկնարկը նախատեսված է անվճար տեղեկատվական հանդիպում։