Agile Նախագծերի կառավարման հիմունքներ
- Դասընթացի օրեր
-
- Երեքշաբթի ,
- Հինգշաբթի ,
- Շաբաթ
- Դասընթացի տևողություն
- 15 դաս x 2 ժամ
- Դասընթացի ժամեր
- 19:30 - 21:30
- Դասընթացի սկիզբ
- Շաբաթ, ապրիլի 27
- Վճար
- 78,000 ՀՀ դրամ
- Տեղեկատվական հանդիպում
- Հինգշաբթի, ապրիլի 25, 19:00
- Պահանջվող գիտելիքներ
- Տրամաբանություն, մաթեմատիկայի առնվազն հիմնական դպրոցի գիտելիքներ, անգլերենի A2 մակարդակի իմացություն
Ի՞նչ է Agile նախագծերի կառավարումը
Երբևէ մտածե՞լ եք, թե ինչպես են իրականացվում նախագծերը, ինչպես են տարբեր մասնագետներ միավորվում մեկ ընդհանուր պրոդուկտի/ծրագրի շուրջ, ինչ փուլերով է այն անցնում մինչ պատվիրատուին հասնելը։
Այս ամենն իրականացվում է նախագծերի կառավարման մեթոդոլոգիաների նոր մոտեցման՝ Agile նախագծերի կառավարման (Agile PM) շնորհիվ: Այն հնարավորություն է տալիս տարբեր մասնագետներին անխափան համագործակցել նախագծի թիմերի շրջանակներում՝ բաժանելով առաջադրանքները փոքր, կառավարելի բաղադրիչների: Պլանավորման, իրականացման և հետադարձ կապի կրկնվող ցիկլերի միջոցով Agile PM-ը թիմերին հնարավորություն է տալիս ավելի արագ ու ճկուն կերպով արձագանքել փոփոխություններին՝ ապահովելով ծրագրի արդյունավետ իրականացում և հաճախորդների գոհունակություն:
Ինչո՞ւ սովորել Agile նախագծերի կառավարում
Agile-ը հաճախորդակենտրոն մեթոդոլոգիա է․ արագությունը, ճկունությունը և մշտական հետադարձ կապը պատվիրատուների հետ ապահովում են վերջիններիս գոհունակությունը՝ ստեղծելով մի շարք մրցակցային առավելություններ աշխատաշուկայում։
Ինչո՞ւ մասնակցել հենց այս դասընթացին
Դասընթացն ապահովում է տեսական ու գործնական գիտելիքների միաժամանակյա կիրառումը անհատական և թիմային նախագծերի շրջանակում, ինչի արդյունքում դասընթացի մասնակիցները գործնական մակարդակում կծանոթանան նախագծերի կառավարման ոլորտի առանձնահատկություններին, դրանց դրսևորումներին և Agile մեթոդոլոգիայի ու գործիքների կիրառմանը։
Դասընթացը կարող է կողմնորոշիչ դեր կատարել բոլոր նրանց համար, ովքեր հետաքրքրված են նախագծերի կառավարման ոլորտով և ցանկանում են գործնականում փորձել իրենց հնարավորությունները։
Ի՞նչ կկարողանամ անել ես այս դասընթացից հետո
Դասընթացի ավարտին շրջանավարտները կկարողանան․
- Հասկանալ նախագծի ղեկավարի դերը և նախագծի կառավարման տարբեր մեթոդաբանությունները
- Տարբերակել ՏՏ ընկերությունների տեսակները և դրանց ենթակառուցվածքը` պատկերացում կազմելով նրանց ներկայացրած եզակի մարտահրավերների և հնարավորությունների մասին:
- Հմտորեն կազմակերպել նախագծի կառավարման ցիկլը՝ կիրառելով Agile սկզբունքները, պրակտիկաներն ու գործիքները։
- Արդյունավետ գնահատել աշխատանքային գործընթացները՝ հնարավորություն ունենալով վերահսկել առաջընթացը, բացահայտել հնարավոր ռիսկերն ու կայացնել տվյալահեն որոշումներ:
- Ցուցաբերել առաջնորդության հմտություններ փոքր թիմեր կառավարելու, առողջ ու արդյունավետ աշխատանքային միջավայր ապահովելու համար։
- Կրթությունը շարունակել՝ մասնակցելով «Agile նախագծերի կառավարման» խորացված դասընթացին։
Դասընթացի ծրագիրը ներկայացված է այստեղ։ Դասընթացն իրականացվելու է հայերենով։
Դասընթացին մասնակցելու համար անհրաժեշտ է անցնել հարցազրույց, որտեղ կստուգվեն դիմորդի մոտիվացիան, տրամաբանությունը և անգլերենի իմացությունը:
Դասախոսի մասին
Բաբկեն Ռոմյանն ունի 6 տարվա աշխատանքային փորձ նախագծերի կառավարման ոլորտում։ Այժմ աշխատում է IQ Soft ընկերությունում։
Ինչպե՞ս դիմել
Ցանկացողները մինչ ապրիլի 25-ը պետք է լրացնեն ստորև ներկայացված հայտադիմումը։ Հարցերի դեպքում զանգահարեք (099) 545 343, (041) 545 343 հեռախոսահամարներով և մենք ուրախ կլինենք պատասխանել Ձեր հարցերին։